Gel Ey Dil Meşreb-i Sâfî İçegör Bezm-i Vahdetde
25 Mart 2024 tarihinde yayınlanmıştır.
NUTK-İ ŞERÎF
Gel ey dil meşreb-i sâfî içegör bezm-i vahdetde
Berâzihden halâs ol kalma bu vâdî-i kessretde
Hüve'l-Hayyü Hüve'l-Bâkî odur cân u dile sâkî
Enîs oldur celîs oldur kamu halvetde celvetde
Ne mikdârı ola 'aklın ki idrâk eyleye Hakk'ı
Ki sırr-ı zâta irmez keşf-i dil belki hakîkatde
Bu insân bir şecerdir mîvesi feyz-i ilâhîdir
Bulunmaz lezzeti anın ne sükkerde ne şerbetde
İrersen 'âlem-i vasla çıkarsın dâr-ı gurbetden
Durursan dâr-ı mihnetde kalırsın derd ü hasretde
Geçersen "kâbe kavseyn"i irişirsin "ev ednâ"ya
Olursun Hakkıyâ dâreynde devletde 'izzetde
İsmâil Hakkı Bursevî
Kaddesallahu Sırrahu'l-Âlî