MuzafferOzak.com (Türkçe)

NUTK-İ ŞERÎF

Gel gel yanalım âteş-i aşka

Şûle verelim âteş-i aşka

Bitemez anda yanmayan bunda

Yanagör sen de âteş-i aşka

Gel berû cânım bir göre hâlim

Yanmakda kârım âteş-i aşka

Lezzetin bilmez hâldir anlanmaz

Yanan usanmaz âteş-i aşka

Dîde-i giryân bu dil-i sûzân

Durma sen de yan âteş-i aşka

Aşk eri bilür cân fedâ kılur

Durmadan köynür âteş-i aşka

Kârına dalan bulmadı pâyân

İşte sen bir yan âteş-i aşka

Seyyid Nesîmî terk eyle resmi

Yandır bu cismi âteş-i aşka

NAĞME-İ AŞK

Muzaffer Efendi · Gel Gel Yanalım Âteş-i Aşka - Evc Nefes