Gel Gönül Amel Kil Hazret-i Allah İçün
9 Aralık 2023 tarihinde yayınlanmıştır.
NUTK-İ ŞERÎF
Gel gönül 'amel kıl Hazret-i Allah içün
İ'tikâdı pâk idüp 'ayn-ı zâtullah içün
Mâsivâ hubbunu dilden pâk idüp mahv eyleyüp
Bu riyâ vü sehvden geç "semme vechullah" içün
Kalbini pâk eyle cümle gayr gitsün aradan
Hakk'dan özge nesne olmaz 'ayn-ı beytullah içün
Bir gün olur mağrib u maşrık hep feth olur
Mâil olmaz nesne aslâ feth-i seyfullah içün
Enbiyâ vü evliyâ hayretde kaldı cümlesi
'Akl-ı 'ukkâl oldu kamûsundan gaybullah içün
'Ayniyyet keyfiyyet hep mahv olur aradan
Netekim mahv olmuşdu cümle ruhullah içün
Rûhu'l-Kuds'e vâsıl ol ey Ma'nevî çık aradan
Akdesîler zümresinden ol bu sırrullah içün
Mustafa Manevî Efendi
Kaddesallahu Sırrahu'l-Âlî