Gel Gönül Meyhânesinde Kurma Bezm-i Kesreti
9 Şubat 2024 tarihinde yayınlanmıştır.
NUTK-İ ŞERÎF
Gel gönül meyhânesinde kurma bezm-i kesreti
Pîr elinden içmeğe sa'y eyle câm-ı vahdeti
Ehl-i 'irfân hizmetini eyle cân ile kabûl
Eyleme nâdân ile 'ömründe zinhâr ülfeti
Rûz u şeb kesb-i ma'ârif itmeğe sa'y eyle kim
İki 'âlemde ma'ârif ehli buldu 'izzeti
Meskenetle zinde ol 'âlemde miskînlik edüp
Şâh-ı 'ukbâ olmağa bâ'is bu dünyâ zilleti
Anma ferdâ cennetini ey Sezâyî gel bu gün
Kim hakîkat cenneti oldu ma'ârif sohbeti
Hasan Sezâyî
Kuddise Sırruh