Gel Terk Edelim Gönül Bu Fânî Cihânı
5 Eylül 2023 tarihinde yayınlanmıştır.
.jpg)
NUTK-İ ŞERÎF
Gel terk edelim gönül bu fânî cihânı
Bu kadar devâmı bozulur elbet kâh-ı eyvânı
Ol bekâ iklîmine bir tedârik eyleyelim
Bulalım anda bir râhat edecek mekânı
Yola çıkmazdan önden gör zâd-ı zehâir
Vâr iken fırsat-ı ruhsat terk etmegil anı
Yoksa zahmet çekilir menzil alınmaz
Kıl müheyyâ bunda iken her umûrun imkânı
Boşdur bu mülevvesât-ı cihâna aldanma
Ne kadar sa'y eylesen zarârın değmez noksânı
'Âkil isen kıl tefekkür sakın olma gâfil
Kendine gel zikr ü fikr eyle her dem Sübhân'ı
Sûziyâ eyle basîret verme fırsat nefsine
Her zamân eyle cihâdı kahreyle Şeytân'ı
Ahmed Sûzî
Kuddise Sırruh