Geldi İzzet İle Eyyâm-ı Sıyâm
7 Nisan 2022 tarihinde yayınlanmıştır.
NUTK-İ ŞERÎF
Geldi 'izzet ile eyyâm-ı sıyâm
Kılalım hamd ü senâ Mevlâ'ye
Umarız hâsıl ola cümle merâm
Kılalım hamd ü senâ Mevlâ'ye
Bizi irgürdü çü bu eyyâme
Lutfunu eyledi hâss ü 'âmme
Nice tahrîr ide fazlın hâme
Kılalım hamd ü senâ Mevlâ'ye
Şehr-i Şa'bân ü Receb'le Ramazân
Vahdetin sırrın iderler i'lân
Mebde' üçdür bu makâmâta hemân
Kılalım hamd ü senâ Mevlâ'ye
Mürg-i kudsîyle olup demsâz
Sem'-i câne ire gaybdan âvâz
Vatan-ı asla idegör pervâz
Kılalım hamd ü senâ Mevlâ'ye
Ârifân itdi 'urûc eflâke
Bakmadılar bu hazîz-i hâke
İrdiler Hazret-i nûr-i pâke
Kılalım hamd ü senâ Mevlâ'ye
Ref' ola çün ki 'ayından perde
Gördü matlûbunu bahr ü berrde
Hâzır u nâzır O'dur her yerde
Kılalım hamd ü senâ Mevlâ'ye
Bizi yokdan nice iitdin ise vâr
Yine fazlını sen eyle izhâr
İt Fenâyî'ye 'atânı her bâr
Kılalım hamd ü senâ Mevlâ'ye
Ehl-i Cennet Fenâyî Mehmed Efendi
Kaddesallahu Sırrahu'l-Âlî