Geldin Bu Menzile Nice Gün Eyledin Makâm
12 Ağustos 2024 tarihinde yayınlanmıştır.
NUTK-İ ŞERÎF
Geldin bu menzile nice gün eyledin makâm
Ârâm idemedin burada dahi ve's-selâm
'Âdet-durur cihâna konan 'âkıbet göçer
Duralı dehr böyle-durur nazm u intizâm
Çarhın ikâmetine sakın bağlama gönül
Bî-ihtiyâr gerdiş ider çün 'ale'd-devâm
Kılma 'imâret itmeğe bu dehrde heves
Çün âhiri koyup gideceksin anı tamâm
Mensûba itdi mansıbı çâh itdi câhını
Her kim Hayâlî 'âleme meyl eyledi tamâm
Ahmed Hayâlî-i Gülşenî
Kaddesallahu Sırrahu'l-Âlî