MuzafferOzak.com (Türkçe)

NUTK-İ ŞERÎF

Gelin sorun bu cânlara sûretleri n'oldu gider

Dün gün seninim der iken ne bahâne buldu gider

'Aceb değil gider ise sûreti terk ider ise

Yanlış yalan gaybet değil dostdan haber geldi gider

Kanı anın mülk ü mâlı terk eylemiş cümlesini

Ol pâdişâh dergâhına hulk-ı 'amel aldı gider

Öyle ki dost olmuş iken nice iş düzülmüş iken

Belli bilin cân sûretin sakalına güldü gider

Eyler idi satı bâzâr bir pul içün gerü bozar

Olmuş bu dünyâdan bîzâr yensiz gömlek geydi gider

Bin uyağır bin bir doğar buyruk ile gelmiş meğer

Kimdir bu dünyâya doyar peymânesi doldu gider

Gaflete virme özünü dünyâ-perestlik eyleyüp

Görme misin bu dünyâya eyi yavuz geldi gider

Kamu 'âlem ümîd tutar âhiretde görem deyû

Yûnus eydür dervîş olan bunda Hakk'ı buldu gider

Yûnus Emre
Kuddise Sırruh

Gelin Sorun Bu Cânlara Sûretleri N'oldu Gider