MuzafferOzak.com (Türkçe)

NUTK-İ ŞERÎF

Gelin yârân bu gün bunda bulalım zevk-i îmânı

İre rahmeti Allah'ın bulavuz şekl-i insânı

Tarîkate dürüşelim gece gündüz olup kâim

Kabûl eyleye ol Settâr idüben bize ikrâmı

Sevelim cân ile Hakk'ı yolunda olup kâim

Tulû' eyleye cânlarda irişe bize 'irfânı

Gönülden sürelim gayrı 'inayet eyleye Allah

Selâmet bula gayriden irişe Hakk'ın ihsânı

İre cânımıza 'irfân hakîkate olup 'ârif

Vara vuslat makâmına geçüben cümle ekvânı

Hakîkat bahrine dalup vücûdum anda mahv edüp

Fenâfillâh makâmında tamâm eyleye seyrânı

Garîb Üftâde'nin şevki cemâli görmeden zevki

Kamu 'âşıklara Mevlâ keremden ide ihsânı

Muhyiddîn Üftâde

Kuddise Sırruh

Gelin Yârân Bugün Bunda Bulalım Zevk-i Îmânı