Gelüp Düşdüm Boyun Bükdüm Kapuna
24 Temmuz 2023 tarihinde yayınlanmıştır.
MÜNÂCÂT
Gelüp düşdüm boyun bükdüm kapuna
İlâhî Seyyidî Mevlâyî Rabbî
Yüzüm sürdüm eli bağlu tapuna
İlâhî Seyyidî Mevlâyî Rabbî
Yüzüm kara elim boş mûlarım ak
Büküldü kaddim oldu tâkatim tâk
Garîk-i bahr-i isyânım olup âk
İlâhî Seyyidî Mevlâyî Rabbî
Hidâyet kıl sırât-ı müstakîme
Hevâ-dâr eyleme râh-ı sakîme
Sezâ-vâr itme nîrân-ı cahîme
İlâhî Seyyidî Mevlâyî Rabbî
Bi hakkı mazhar-ı hubb-i vedâdın
Kerem kıl hürmetine bin bir âdın
Dü 'âlemde murâdım kıl murâdın
İlâhî Seyyidî Mevlâyî Rabbî
Kulun Şems'em eğerçi pür-günâhım
Peşîmânem ki artar her gün âhım
Sana senden seninle özr-hâhım
İlâhî Seyyidî Mevlâyî Rabbî
Osman Şems Efendi
Kuddise Sırruh