Ger Dilersen Hakk'a Vuslat Olma Zâhid Akla Yâr
27 Temmuz 2023 tarihinde yayınlanmıştır.
.jpg)
NUTK-İ ŞERÎF
Ger dilersen Hakk'a vuslat olma zâhid 'akla yâr
Kim münezzehdir bu 'aklın bildiğinden Kirdigâr
Ana benzer bu edâ kim meşveret zenler ile
Eyleyüp 'aksin idersin her ne dirsen âşikâr
Kim anı eğsen kemikden etdi Hakk'ım eğridir
Doğrudur imdi hilâfı eğrinin ey şehriyâr
'Aklı dahi bu arada şöyle bil kim zâhidâ
Sol yanından aldı rûhun ol şeh-i âlî-tebâr
İmdi fehm it işbu remzi her ne der 'aklın sana
'Aksin eyle tâ ki yarın olmayasın şermisâr
Kim değildir 'akl-ı âdemîde bu gel şöyle bil
Cüz'îdir itmez ihâta 'ilm-i zâtı her ne vâr
Her ne kim hükm eyler aklın zât-i pâkin künhüne
Sen hilâfın tut anın kim 'akla sığmaz işbu kâr
Sana pesdir "len terânî" hüccet istersen eğer
Yoksa mahfî kaldı ma'nâ olmadı âhir şikâr
Gel 'aref nüktesinden al haberi ey dîn eri
Geç bu benlik perdesinden Hakk ile eyle karâr
'Ayn olup gayrından el çek gayrın uyar 'aynına
Evvel âhir bu dürür kim ol budur kavl-i kibâr
Çün 'ıyân etme bu sırrı tut sözüm ey Nakşiyâ
Kim getirmez halk-ı 'âlem senden eylerler firâr
Nakşî-i Akkirmânî
Kaddesallahu Sırrahu'l-Âlî