Gezme Beyhûde Sivâda Eyle Sübhân'ı Taleb

14 Kasım 2015 tarihinde yayınlanmıştır.

NUTK-İ ŞERÎF

Gezme beyhûde sivâda eyle Sübhân'ı taleb

Katreyi gör 'aşk ile etmekde 'ummânı taleb

Mısr-ı tende olma mâr-ı nefs ü şeytâna esîr

Sidre-i rûhunda gizli eyle Ken'ânı taleb

'Arz-ı cismi eyle tebdîl mahv-ı evsâf eyleyip

Tâ ezeller âşinâsı eyle ol kânı taleb

Zulmet-i nefs ü hevâda kalma mahbûs-i ebed

Eyle bahş-ı cân-ı ebedî ol mâh-ı tâbânı taleb

"Men 'aref" dersinden al 'irfân-ı feyz-i Ahmedî

Hızr-ı ma'nâyı bulup kıl sırr-ı 'irfânı taleb

Sırr-ı Kur'ân sırr-ı insân sırr-ı ekvân yek nümûd

Mihver-i seyrânda eyle kenz-i Rahmân'ı taleb

Hâr-ı kesretden rehâ ol mahv-ı evsâf eyleyip

Gülşen-i vahdetde kıl esrâr-ı pîrânı taleb

'Akseder nûr-i ezel âyineden âyineye

Cezbe-i envâra kıl mir'ât-ı Sübhân'ı taleb

Ermedi Sâmî vücûd nefyinde "lâ"dan geçmeyen

Derd-i Hakk'da ferd olup kıl sırr-ı pinhânı taleb

Şeyh Abdurrahmân Sâmî Saruhânî

Kaddesallahu Sırrahu'l-Âlî