Gider İdim Ben Yol Sıra Yavlak Uzamış Bir Ağaç
20 Haziran 2019 tarihinde yayınlanmıştır.
NUTK-İ ŞERÎF
Gider idim ben yol sıra yavlak uzamış bir ağaç
Böyle latîf böyle şîrîn gönlüm eydür bir kaç sır aç
Böyl'uzamak ne ma'nâdır çün ki bu dünyâ fânîdir
Bu fuzûllük nişânıdır gel beri miskînliğe geç
Böyle latîf bezenüben böyle şîrîn düzünüben
Gönül Hakk'a uzanuban dilek nedir neye muhtâc
Ağaç karır devrân döner kuş budağa bir kez konar
Dahi sana kuş konmamış ne güğercin ne hod duraç
Bir gün sana zevâl ere yüce kaddin ine yere
Budakların oda gire kaynaya kazan kıza saç
Er sırrıdır sırrın senin er yeridir yerin senin
Ne yerdedir yerin senin sana soraram ey ağaç
Yûnus Emre sen bir nice eksikliğin yüz bin anca
Kur'ağaca yol sorunca teferrüclen yoluna geç
Yûnus Emre
Kuddise Sırruh