Gidip Ferhad ü Mecnûn Aşk İle Efsâneler Kaldi
13 Kasım 2023 tarihinde yayınlanmıştır.
NUTK-İ ŞERÎF
Gidip Ferhad ü Mecnûn 'aşk ile efsâneler kaldı
Ezelden âşinâlar gitdi hep bîgâneler kaldı
Heme ma'mûr olan diller çekildi bezm-i fânîden
Harâb ender harâb olmuş dil-i vîrâneler kaldı
Fevâhişden olup rez duhteri meydâna girmişdir
Ona rağbet eder bîhûş olan dîvâneler kaldı
Gidip pîr-i mugânlar sâkiyâ kiç kalmadı nâsih
Ferâmûş-i pend-i zâhide meyhâneler kaldı
Ne ihvân-ı sadâkat-pîşe kaldı ne muvâfık yâr
Fenâ bezminde def'-i gam eder peymâneler kaldı
Sönüp şem'-i şeb-efrûz-i se'âdet 'izzet-i sermed
Çerâğ-ı 'aşkı devreyler hemân pervâneler kaldı
Nazîrâ mürşid-i kâmil olanlar gitdi 'âlemden
Uçup mürgân-ı kudsîler cihânda lâneler kaldı
Nazîr İbrâhîm Efendi
Kuddise Sırruh