Girdik Reh-i Mecâze Hatâmız Budur Bizim
4 Ocak 2024 tarihinde yayınlanmıştır.
NUTK-İ ŞERÎF
Girdik reh-i mecâze hatâmız budur bizim
Düşdük çeh-i niyâze belâmız budur bizim
Olduk esîr-i beste-i zencîr-i kâkülün
Kılma rehâ şehâ ki cezâmız budur bizim
Şürb-i şerâbdan bizi men' eyleme ey tabîb
Derd-i dil-i nizâre devâmız budur bizim
Yok olasın mahv-ı fenâda olasın deyu
Hâhende-i du'âya du'âmız budur bizim
Şâhid perest ü câm-ı be-dest-i rind lâubâl
Müştâk-vâr zevk u safâmız budur bizim
Müştak Baba
Kuddise Sırruh