Giryân İsek Ey Dil N’ola Cânâne Bizimdir
11 Haziran 2022 tarihinde yayınlanmıştır.
.jpg)
GAZEL
Giryân isek ey dil n’ola cânâne bizimdir
Bahr-i gâmız ol gevher-i yekdâne bizimdir
Sôfî senin olsun yürü var gerdiş-i tesbîh
Biz rindleriz gerdiş-i peymâne bizimdir
Huccetle senindir biliriz savma'a zâhid
Fermân-ı şeh-i 'aşk ile meyhâne bizimdir
Peymâne-şümâr olmak içün lâzım olursa
Senden çekeriz sübha-i sad dâne bizimdir
Kimdir bizi men' eylecek bâğ-ı cinândan
Mevrûs-i pederdir gireriz hâne bizimdir
Hırba ko dolaşsın serine mihr-i münîrin
Biz şem'a-i bezmiz per-i pervâne bizimdir
'Akl olsa saf-ârâ-yı husûmet bize Nabî
Gam çekmeziz andan dil-i dîvâne bizimdir
Urfalı Nâbî
Rahmetullahi Aleyh