Gizlendiler Şimdi Erenler Ağlayalım Biz Hemân
10 Aralık 2019 tarihinde yayınlanmıştır.
NUTK-İ ŞERÎF
Gizlendiler şimdi erenler ağlayalım biz hemân
Şerr ü fesâd u fitne ile doldu zîrâ ki cihân
Pes ekseri insân olup şirrîr eder halka sitem
Yok merhamet biri birine işleri cevr ü ziyân
Bir kimse hakkı söylemez çün söylemekdir tehlike
Oldu sükût ile şerar-ı nâs gürûhu şâdumân
Hayr işleyen menfûr hakîr şer ehli makbûl ü 'azîz
Bulmaz huzûr-ı kalb halâvet bu zamânda sâlikân
Dünyâya meyl etmek ile yıkar çok insân dînini
Hîç âhiret kaydın yemez dünyâya hırs rağbet kılan
Bin iki yüz altmış ikidir çünki şimdi bu sene
Kalmadı hergiz şübhemiz olduğuna âhir zamân
Kuddûsîyâ şükr et Hudâ'ya çün seni hıfz eyledi
Halvetdedir ancak selâmet çıkma dâim ol nihân
Ahmed Kuddûsî
Kuddise Sırruh