Gönlüm Açılır Zülf-i Perîşânını Görgeç
28 Temmuz 2020 tarihinde yayınlanmıştır.
GAZEL
Gönlüm açılır zülf-i perîşânını görgeç
Nutkum tutulur gonce-i handânını görgeç
Bakdıkça sana kan saçılır dîdelerimden
Bağrım delinir nâvek-i müjgânını görgeç
Ra'nâlık ile kâmet-i şimşâdı kılan yâd
Olmaz mı hacîl serv-i hırâmânını görgeç
Çok 'aşka heves edeni gördüm ki hevâsın
Terk etdi senin 'aşk-ı nâlânını görgeç
Kâfir ki değil mu'terif nâr-ı cehennem
Îmâna gelir âteş-i hicrânını görgeç
Nâziklik ile gonce-i handânı eden zikr
Etmez mi hayâ la'l-i dür-efşânını görgeç
Sen hâl-i dilin söylemesen n'ola Fuzûlî
El fehm kılar çâk-i girîbânını görgeç
Fuzûlî