Gönül Bâb-ı Hudâ'ya Gel Tarîk-i Mâsivâdan Geç
21 Ağustos 2023 tarihinde yayınlanmıştır.
.jpg)
NUTK-İ ŞERÎF
Gönül bâb-ı Hudâ'ya gel tarîk-i mâsivâdan geç
Serây-ı lî-ma'allaha buyur çûn u çerâdan geç
Rükûb eyle küheyl-i 'aşka irhâ-i 'inân eyle
Diyâr-ı vahdete bu cisr-i kesret-intimâdan geç
Kamer-veş iktibâs-ı nûr edüp şems-i hakîkatden
Semâ-yı lâ-mekâna menzil-i arz u semâdan geç
Eğer merdâne yâr-i pür-vefâyı bulmak istersen
Zen-i mekkâre-i dünyâ-yı dûn-i bî-vefâdan geç
Çıkup kayd-ı tabî'atden irersin menzil-i rûha
Misâl-i berk-i hâtıf perde-i nefs ü hevâdan geç
Bekâ-yı Hakk ile bâkî olam dersen sülûk eyle
Safâ-yı nev-bahâr-ı gülşen-i dâr-ı fenâdan geç
Dilersen mahrem-i Âl-i Abâ olmak abâ-pûş ol
Mezâk-ı 'izzet-i nefsi koyup kût u kabâdan geç
Ya va'd itme veyâhud itdiğin va'de vefâ eyle
Sözünde sâbit ol merdâne ol kizb ü riyâdan geç
Nigâh-ı iltifâtındır senin matlûb olan yoksa
Demez âşık sana ey dost bu cevr ile cefâdan geç
Sana besdir temâşâ-yı cemâl-i nûr-ı Hakk ey Şems
Bahâeddîn gibi seyr-i cemâl-i pür-behâdan geç
Osman Şems Efendi
Kaddesallahu Sırrahu'l-Âlî