Gönül Katlan Cefâya Bâğ-ı Kesretde Safâdan Geç

27 Mart 2018 tarihinde yayınlanmıştır.

NUTK-İ ŞERÎF

Gönül katlan cefâya bâğ-ı kesretde safâdan geç

Tarîk-ı fahrı tut fakr ile fahr eyle kabâdan geç

Heves kılma cihânın vârına ey dil değil bâkî

Yüzün tut lâ-mekân sahrâsına dehr-i fenâdan geç

Soyup tenden enâniyyet libâsın terk-i 'âr eyle

Eğer ki râh-ı Hakk’ı bulmak istersen riyâdan geç

Helâk et dîv-i nefsin düşmeninden cân halâs eyle

Mutî' ol hak kelâma gel yeter bu iddiâdan geç

Sakın bülbül gibi feryâde düşme el duyar sırrın

Lisânın kendiyle yâr eyle zâr etme nevâdan geç

Marîz-i derd-i 'aşka kendi kendinden erer dermân

Taleb kılma devâyı kimseden özge devâdan geç

Yanup pervâne-veş ebsem olanlar erdi maksûda

Ne derdin vâr ise Allah’a ma'lûm hûy u hâydan geç

Gönül tahtında sultân bir olur birlikden ayrılma

Hevâ-yı nefse uyma evvelâ bu mâcerâdan geç

Medd ü cem' eyle 'aklın köhne zen-i dünyâya aldanma

Nigâhî bî-vefâ bîgâne-meşreb âşinâdan geç

Diyarbakırlı Nigâhî Hazretleri

Kuddise Sırruh