Gönül Sakın Şeker Ezme Dehân-ı Rencûra
22 Şubat 2023 tarihinde yayınlanmıştır.
NUTK-İ ŞERÎF
Gönül sakın şeker ezme dehân-ı rencûra
Güneş cemâlini bîhûde söyleme kûra
Eğerçi çün reg-i gerden yakındır insâna
Hudâ velâkin ırak oldu gâfil-i dûra
Cilâ ver âyîne-i câna bak da hayrân ol
Zıyâsı perdelerinden o mihr-i mestûra
Çü mâh mihre mukârin mehâkk isen ey dil
'Ale'd-devâm mukâbil durursun ol nûra
Libâs-ı fikrini tarh eyle dilden ey Hakkı
Ki âfitâb hemân tâbını verir ûra
Erzurumlu İbrâhim Hakkı
Kuddise Sırruh