Gönül Sûretperest Olma Haberdâr Ol Bu Ma'nîden
8 Mart 2022 tarihinde yayınlanmıştır.
GAZEL
Gönül sûret-perest olma haberdâr ol bu ma'nîden
Ki ma'nî olmasa hâsıl ne lezzet nakş-ı Mânî'den
Kaçanlar sohbet-i tenden irerler lezzet-i câna
Bulurlar ma'nî-yi bâkî geçenler nakş-ı fânîden
Alırsa leblerin tadın dil anmaz Kevser'in adın
Salarsa sâyesin zülfün gerekmez gölge Tûbî'den
Kanı Mecnun gibi 'âkil ki kurbet eyleye hâsıl
Kemâl-i sun'-ı Mevlâ'ya cemâl-i hüsn-i Leylî'den
Gözünden güç göricek dil yapışsa n'ola zülfüne
Ki olur 'adl zencîri asılmış tâk-ı Kisrî'den
Lebin düşnâmı ile dil hayât-ı câvidân buldu
Neden bir lahzadır derler dirilmek nefh-i Îsî'den
Gönül mürgi giriftâr olmaz idi bend-i sûretde
Eger görmese idi anda âb ü dâne-i ma'nîden
Nider turran uçan gönlüm cemâlin salmasa pertev
Tecellî olmasa hâsıl ne olsun Tûr-i Mûsî'den
Bu sûret-i câmı sınmadan içilmez bâde-i ma'nî
Bu sır açılmaz illâ kim cevâb-ı "len terânî"den
Müftî'-s-Sekaleyn Kemâlpaşazâde
Rahmetullahi Aleyh