Gönül Tıflı Demâdem Ders Alırsa Pîr-i Vahdetden
14 Şubat 2020 tarihinde yayınlanmıştır.
NUTK-İ ŞERÎF
Gönül tıflı demâdem ders alırsa pîr-i vahdetden
Olur elbette müstahrec bu esrârı hüviyyetden
Müderris 'aşk dürür 'ilm-i ledünnî dersine ey cân
Mülâzım ol o dergâha haberdâr ol hakîkatden
Özün bilmeğe sarf eyle ömrü sarf ise maksûd
Ko nahvı mahva cehd eyle halâs ol kayd-ı kesretden
Me'ânî zevkine sa'y et beyân eyle bedâyi'den
Me'ânîdir murâd olan bu elfâz u bu sûretden
Usûl ile furû' ise murâdın ey fakîh-ı cân
Usûlüyle eriş 'aşka garaz bu fer'-i hilkatden
Kelâm u mantık istersen habîr ol nutk-ı pâkinden
Sıfât u zâtın fehm et yeter hey'etle hikmetden
Muhaddis olmak istersen hadîs-i nefsini anla
Hadîsin sırrını duyan duyar sırr-ı nübüvvetden
Kitâbullâh-ı ekber hem kelâmullâh-ı nâtıksın
Müfessir olmak istersen haberdâr ol bu fıtratdan
Eğer bilmek dilersen künhünü nefs-i derrâkın
Mücellâ eyle dil mir'âtını zeng-i küdûretden
Mücellâ et sarây-ı hâss olan kalbi ta'allukdan
Tecellî-i Hudâ sôfî olur ancak bu halvetden
Cemâl-i sun'-i rabbânîde seyr et sâni'in nakşın
Bu rü'yetdir hakîkatde garaz mi'râc-ı Hazret'den
Müşâhed olamaz olsa mücerred madde sırrullah
Münezzehdir diyen mahcûb olupdur Hakk'ı rü'yetden
'Anâsırdan müşâheddir cemâl-i nûr-i yezdânî
Basîretle sana sen bak habîr ol 'ayn-ı vuslatdan
Kemâliyle eger mâhiyyetin derrâk olaydın sen
Ferahdan cânını ihdâ ederdin sen bu lezzetden
Dü 'âlemde cemâl-i Bârî'den mahcûb olursun sen
Eger zevk almaz isen Gaybiyâ sırr-ı ma'iyyetden
Sun'ullah Gaybî
Kaddesallahu Sırrahu'l-Âlî
Gönül tıflı demâdem ders alırsa pîr-i vahdetden
Olur elbette müstahrec bu esrârı hüviyyetden
Müderris 'aşk dürür 'ilm-i ledünnî dersine ey cân
Mülâzım ol o dergâha haberdâr ol hakîkatden
Özün bilmeğe sarf eyle ömrü sarf ise maksûd
Ko nahvı mahva cehd eyle halâs ol kayd-ı kesretden
Me'ânî zevkine sa'y et beyân eyle bedâyi'den
Me'ânîdir murâd olan bu elfâz u bu sûretden
Usûl ile furû' ise murâdın ey fakîh-ı cân
Usûlüyle eriş 'aşka garaz bu fer'-i hilkatden
Kelâm u mantık istersen habîr ol nutk-ı pâkinden
Sıfât u zâtın fehm et yeter hey'etle hikmetden
Muhaddis olmak istersen hadîs-i nefsini anla
Hadîsin sırrını duyan duyar sırr-ı nübüvvetden
Kitâbullâh-ı ekber hem kelâmullâh-ı nâtıksın
Müfessir olmak istersen haberdâr ol bu fıtratdan
Eğer bilmek dilersen künhünü nefs-i derrâkın
Mücellâ eyle dil mir'âtını zeng-i küdûretden
Mücellâ et sarây-ı hâss olan kalbi ta'allukdan
Tecellî-i Hudâ sôfî olur ancak bu halvetden
Cemâl-i sun'-i rabbânîde seyr et sâni'in nakşın
Bu rü'yetdir hakîkatde garaz mi'râc-ı Hazret'den
Müşâhed olamaz olsa mücerred madde sırrullah
Münezzehdir diyen mahcûb olupdur Hakk'ı rü'yetden
'Anâsırdan müşâheddir cemâl-i nûr-i yezdânî
Basîretle sana sen bak habîr ol 'ayn-ı vuslatdan
Kemâliyle eger mâhiyyetin derrâk olaydın sen
Ferahdan cânını ihdâ ederdin sen bu lezzetden
Dü 'âlemde cemâl-i Bârî'den mahcûb olursun sen
Eger zevk almaz isen Gaybiyâ sırr-ı ma'iyyetden
Sun'ullah Gaybî
Kaddesallahu Sırrahu'l-Âlî