Gönülden Hacc-ı Aşka Var ki Oldur Kıble-i Her Cân
21 Mart 2023 tarihinde yayınlanmıştır.
.jpg)
NASÎHAT
Gönülden hacc-ı 'aşka var ki oldur kıble-i her cân
Refîk-i 'akl u fehm olma ki oldur 'âşıka düşmân
Bu çeşmin nûrunu hıfz eyle zâyi' kılma zâhirde
Ki tâ bâtında lübb-i 'âlemi hoş kılasın seyrân
Mükedder cismi koy gel kalbine kesb-i safâ eyle
Ki dil âyîne-i kuds oldu ten hâkister-i hızlân
Görünür hâlet-i nez' içre ervâh u melekler hem
Ki cân çıkmakdadır ol dem gelir bu cismine butlân
Temâşâ kıl ki uyku vakti çün bu ten mu'attaldır
Uçarsın hoş hevâda seyredersin 'âlemi âsân
Şarâb-ı fakr içersen 'aşkdan ver çâşni zevk et
Ki cândır âb u âb-ı zindegânî kimiyâ-yı cân
Yeter bu sicn-i âb u gil cihân-ı dilden âgâh ol
Cinân ü arş ü ferşi hep gönülden seyr kıl her ân
Cihân kervân-serâdır geldi bin cân gitdi derdiyle
Ko hüzn ü firkati gel dilde hüsn-i 'aşka ol hayrân
Hayât-ı dil dilersen 'aşkdan her demde ey Hakkı
Oku Yâ Hayy Yâ Kayyûm Yâ Hannân Yâ Mennân
Erzurumlu İbrâhim Hakkı Hazretleri
Kaddesallahu Sırrahu'l-Âlî