Gör Bu Deccâl'in Rumûzun Aç Gözün Sen Ey Hümâ
22 Temmuz 2023 tarihinde yayınlanmıştır.
NUTK-İ ŞERÎF
Gör bu Deccâl'in rumûzun aç gözün sen ey hümâ
Nefs-i emmâredir ol bil anı senden yu koma
Dimesin mi ana Deccâl ki koyup doğru yolu
Çıkup ol râh-ı Hudâ'dan reh-i İblîs'e uya
Gösterüp gizli sıfatın sürüp elbet gadabı
Düşüp ol mutmain üzre kaça andan fukarâ
Küfrün ızhâr edüp âhir bite çün tohm-ı 'amel
Gidüp îmân-ı hakîkat ide ol akı kara
Doğa çün cânib-i mağrib bu gün anın güneşi
Kabûl olmaya duâsı gide tenden o zıyâ
Ana olmaya hidâyet kapanup tevbe-i bâb
Girüp ol nâr-ı cahîme ebedî anda kala
Dahî fâş eyleme Nakşî yeter ehline bu söz
Seni fehm eylemeyenler kaçan ol sırrı duya
Nakşî-i Akkirmânî
Kaddesallahu Sırrahu'l-Âlî