Gör Neler Çekdi Bu Yolda Ol Resûl Ashâb İle
28 Aralık 2022 tarihinde yayınlanmıştır.
NUTK-İ ŞERÎF
Gör neler çekdi bu yolda ol Resûl ashâb ile
Ger hakîkat ümmet isen sabr eyle her mihnete
Hicret etdi Mekke'den kıldı vedâ' ahbâb ile
Ayrılup âhir vatandan düşdü dâr-ı gurbete
İşbu dâr-ı mâtem içre zerrece yokdur sürûr
Kangı dil buldu bu mihnet-hânede bir dem huzûr
'Âkıbet kim itmedi işbu güzergâhdan 'ubûr
Düşdü vuslat ehli âhir bu cihânda firkate
Gel seni senden cüdâ kıl 'âkil isen Hakkıyâ
Hicret et varlık evinden yokluğa ol âşinâ
Çün ki yoklukdur tarîk-i enbiyâ vü evliyâ
Bu vücûdun menzilinden gurbetle er vuslata
İsmail Hakkı Bursevî
Kaddesallahu Sırrahu'l-Âlî