MuzafferOzak.com (Türkçe)

NUTK-İ ŞERÎF

Görenler vech-i yâri ol meh-i tâbânı neylerler

Bulanlar ol cemâli sohbet-i yârânı neylerler

Basîret çeşmini envâr-ı vechin açan 'uşşâka

Fezâ-i "semme vechullah"dadır zindânı neylerler

Eğer çeşm-i basîret feth olup görmezse cânânı

İki 'âlemde âyâ bî-basîret-hânı neylerler

Tecellî şem'ine pervâne-veş cânlar atar 'uşşâk

O şem'a cânını itmez ise o cânı neylerler

Seni aldamasın ağyâr fânî fânîdir billâh

Bekâ-i lâ-yezâle irmeyen insânı neylerler

Vücûdun pûte-i 'aşkın ilâhî içre mahv idüp

Hüviyyet câmını nûş itmeyen sekrânı neylerler

Koyup bu tâcı tahtı İbn-i Edhem-veş olan mâlda

Hakîkat mülkünün sultânıdır ekvânı neylerler

Harîm-i kudse mahrem olagör Ma'nevî yoksa

Tavâf-ı kudsiyânı olmayan devrânı neylerler

Mustafa Manevî Efendi

Kuddise Sırruh

Görenler Vech-i Yâri Ol Meh-i Tâbânı Neylerler