MuzafferOzak.com (Türkçe)

NUTK-İ ŞERÎF

Gözet sun'-ı kadîmi kim kimin halkın azîm etmiş

Tamam halka elin fi'lin dilin gönlün kerîm etmiş

Kimin bed-nefs ü bed-ef'âl u bed-hû bed-zamîr etmiş

Kahır evsâfına mazhar kılup anı leîm etmiş

Ne kim takdîr edüpdür Hakk olur elbette ol zâhir

Ne tedbîr edevüz ana ki takdîrin hakîm etmiş

Velî 'ârif olan lutfa sevinmez kahra incinmez

İyi kem cümleten halka 'âtâsın ol 'amim etmiş

İkisin bir bilüp doğru hakîkatle görür kim Hakk

Celâlî perdesin çekmiş cemâline harîm etmiş

İkisinden de lâzımdır kemâl-i hüsn-i zâtına

Anınçün birini kahhâr edüp birini halîm etmiş

Ne hâsıl ey Niyâzî cennet-i 'irfâna girmezsen

Tutalım Hakk yerin anda senin dâr-ı-na'îm etmiş

Niyâzî Mısrî

Kuddise Sırruh

Gözet Sun'-ı Kadîmi Kim Kimin Halkın Azîm Etmiş