Gül-i Nâzik-Mizâcı Gülşen-i Râz-ı Dikenden Sor
7 Haziran 2023 tarihinde yayınlanmıştır.
NUTK-İ ŞERÎF
Gül-i nâzik-mizâcı gülşen-i râz-ı dikenden sor
Diken cevrin zebân-ı merdüm-i hâtır-şikenden sor
Bataklıkdır bu râh-i pür-hatar sadd'ül-hazer peydâ
Boğaz derbendini dil-teşne-i câh-ı zekândan sor
Semâvât-ı kerâmetden haberdâr olmak istersen
Sehîl-i âsumân-ı himmeti burc-i Yemen'den sor
Lisân-ı hânedân-ı Âl-i Ahmed'den rivâyetdir
Şebistân-ı risâlet hizmetin Veyse'l-Karen'den sor
Olur mu seng-i bed-gevher dürr ü cevherle hem-kıymet
O mâhın dâne-i dendânını dürr-i 'Aden'den sor
Dilâ mahsûl-i nutkun cevz-i bî-mağz olmasın dersen
Kelâm-ı mîvedârı mâlik-i bâğ-ı sühândan sor
Rızâ'ya yok yere lü'lü-i lâlâdan suâl etme
Nihân-ı nokta-i mevhûmeyi dürc-i dehenden sor
Neccazrzâde Rızâ Efendi
Kuddise Sırruh