Gül İsteyü Bir Bülbülem Bu Bağa Ötmeğe Geldim
10 Kasım 2021 tarihinde yayınlanmıştır.
NUTK-İ ŞERÎF
Gül isteyü bir bülbülem bu bağa ötmeğe geldim
Nâle vü âh ü zâr ile gülzâra yetmeğe geldim
Hicâb oldu benlik bana gidemedim Dost'dan yana
Ben benliğimden geçmeğe şeyh elin tutmağa geldim
Evliyânın tutdum elin hakdır bildim doğru yolun
Mürşidin hakîkat balın ölmeden tatmağa geldim
Erisin bağrımdaki başlar aksın gözümdeki yaşlar
Eski derdliyem kardaşlar derde derd katmağa geldim
Seyyid Nizâmoğlu ile gelen gelsin bu hak yola
Ceddim Muhammed Ali ile birliğe yetmeğe geldim
Seyyid Nizâmoğlu Seyyid Seyfullah
Kuddise Sırruh