Gül Yüzünle İtmezüz Billah Biz Gülzâr-ı Bahs
8 Aralık 2020 tarihinde yayınlanmıştır.
NUTK-İ ŞERÎF
Gül yüzünle itmezüz billah biz gülzâr-ı bahs
'Ârif-i billah ider mi hâr ile izhâr-ı bahs
Meclis-i inkâra varma el-hazer sad el-hazer
Münkir-i nâdân ile gel eyleme ey yâr bahs
Gâlibe darlık gelir mağlûba dahi infi'âl
Pes nedâmetdir mukarrer dediler âsâr-ı bahs
Vâkıf-ı esrâr olan duydu dehânın sırrını
Tekye-i 'aşka girenler eyledi esrâr-ı bahs
Çün Sezâyî sundu cânân bize 'aşkın câmını
Mest-i a'şkız itmezüz inkâr-ı bahs ikrâr-ı bahs
Hasan Sezâyî
Kuddise Sırruh