Gürûh-i Ehl-i Aşkın Cânâ Bilmezem Nesiyem Ben
28 Temmuz 2020 tarihinde yayınlanmıştır.
NUTK-İ ŞERÎF
Gürûh-i ehl-i 'aşkın bilmezem cânâ nesiyem ben
Girelden râh-ı 'aşka âlemin efsânesiyem ben
Döner kûy-i dilârâde bu dil şem-i ruh-i yâre
Meğer pervâne-veş 'aşk âteşine yânesiyem ben
Nigârın hatt u hâli sildi dilden mâsivâ nakşın
Ne Mecnûnam ne Leylâ hüsnünün pervânesiyem ben
Beni bend-i anâsırda görüp gayrı kıyâs etme
Hümâ-yi lâ-mekânın bunda bir kâşânesiyem ben
Vücûdum mecmau'l-eşyâ derûnum sırr-ı lâ-yuhsâ
İken bu harmen-i kübrâ anın bir dânesiyem ben
Me'ânî dürriyem cismim sadef deryâ-yı 'aşk içre
Aceb gavvâs-ı 'aşkın bahr-i bî-pâyânesiyem ben
Ne Aydîyem ne savmîyem ne cem'îyyem ne farkîyyem
Bugün bir bâde-keş hem teşne-dil meyhânesiyem ben
Aydî Baba
Kuddise Sırruh