MuzafferOzak.com (Türkçe)

NUTK-İ ŞERÎF

Habîbullah mübârek batnına taş bağladı ya'nî

Ta'am isterse batnın ver ana taş verme sen nânı

Şikem-perver ki pür hâk eylemiş divâr-ı a'zâsın

O kalmış hâne-i muzlimde görmez şems-i tâbânı

Şikâyet eyleyen üç günlük açlıkdan değil 'ârif

O câhil kâr u kesb etsin ki yok Hakk'a tüklânı

Desen açlıkda var za'f ol kesldir mâni'-i tâ'at

Deriz açlıkdadır üns-i Hakk oldur kuvvet-i rûhânî

Ta'âm-ı Hakk'dır açlık onu mahsûs-ı havâss etmiş

Bulur cû' ehli vecd ü hâl ü zevk ü cezb-i hakkânî

Bulan açlıkda bulmuşdur fenâdan devlet-i fakrı

Duyan açlıkda duymuşdur rumûz-ı sırr-ı Sübhân'ı

Gören açlıkda görmüşdür eğer aşkı eğer rûhu

Alan açlıkdan almışdır künûz-i nefs-i insânı

Eren açlıkdan ermişdir huzûr-ı Hazret-i Hakk'a

Bilen açlıkda bilmişdir ulûm-ı bahr-i irfânı

Kamu açlıkdadır devlet se'âdet izzet ü devlet

Olur cû' ehli rûhânî dahî sîmâsı nûrânî

Şiba'dan kalbe kasvetdir gelen hem şehvet ü nahvet
Bulur cû' ehli 'ilm ü hilm olur ahlâkı rabbânî

Za'îf et nefsi tâ kim kuvvet-i kudsî bula rûhun

Hayât-ı cândır açlık hem memât-ı nefs-i şehvânî

Gel ey Hakkı bu ekl u nevmi koy fakr u fenâ iste

Ki vîrân olsa ten köşkü bulursun genc-i pinhânî

Erzurumlu İbrâhim Hakkı
Kuddise Sırruh

Habîbullah Mübârek Batnına Taş Bağladı Yani