Habs İçün Geldi Gelüp Itlak İçün Fermân Bana
13 Mayıs 2023 tarihinde yayınlanmıştır.
NUTK-İ ŞERÎF
Habs için geldi gelüp ıtlak için fermân bana
Evvelki kahr âhiri ihsân eder Sultân bana
Erba'înim çün tamâm oldu dahi on gün geçer
Hatm olur menzil merâtib cân olur cânân bana
"Kâbe kavseyni ev ednâ" üç yüz ellidir bilin
Doğdu gün mağribden açdı zulmeti Sübhân bana
Geldi hak bâtıl firâr etdi dolaşdı mağribe
Zâhir oldu gizli sırlar verdi Hakk bürhân bana
Ol dem İsmâil gibi teslîm-i Hakk etdi hemîn
İki yüz bin dahi yetmiş beşde bir kurbân bana
Anladım zebh-i 'azîme bir işâretdir bu koç
Hem beşâretdir gele Yahyâ ile mihmân bana
Halk-ı 'âlem dediler Îsâ'ya Mısrî bir zamân
Dahî bundan özge "mâ evhâ" dedi Kur`ân bana
Niyâzî Mısrî
Kuddise Sırruh