Hacca Gidecek Olanlara Tavsiyeler
15 Ağustos 2019 tarihinde yayınlanmıştır.
NASÎHAT
Dinlegil ey eyleyen 'azm-i Hicâz
Çünkü hacc farz oldu yolun imtiyâz
Kavl-i Bû Yûsuf'a fevr oldu edâ
Tut 'azîmet buna eyle iktidâ
Zîrâ te'hîr eyleyen bi'l-ittifâk
Âsim olur ismine vardır vifâk
Dahi anla bu sözü ey merd-i dîn
Efdal a'mâl olupdur hacc-ı yakîn
Pes hulûs ile ana niyyet gerek
Tıyb-i nefs ile ana himmet gerek
Niyyeti muhkem edüp mir'âta bak
"İnneme'l-a'mâlü bi'n-niyyât"a bak
Niyyetin pes bu gerek ey merd-i râh
Haccı çün farz eyledi sana İlâh
Farzı ıskât etmeye et niyyeti
Niyyetce olur kişinin kıymeti
Dahi ihrâz etmek fazîlet hem sevâb
Bulmak'çün âhiri nime'l-meâb
Budur erbâb-ı yakîne rûşenâ
Hânenin ıssiyle olmak âşinâ
Dahi ol yola gerek nakdin helâl
Kim harâm ile 'amel kılmak dalâl
Kudretine göre infâk eyleye
Dilin imsâk kesbin ıtlâk eyleye
Tıyb-i nefs ile ede infâkını
Hıfz ede hem enfüs-i âfâkını
Dili zikrullâh ile mevzûn ola
Kalbi fikrullâh ile meşhûn ola
Dahi ol yolda olan zikr ü duâ
Olmaya tilkâ-i nefsinden edâ
Bil ki kul keremiyle ede ol
Kim geliserdir beyânı az u bol
Tâ ki ömrünce sevâbı yazıla
Olmaya bir dem ki sonu üzüle
Dahi hîç kimseye etmeye cidâl
Samta lâzım ola koya kıyl u kâl
Gör ki ne lâzım ede şer' ile ol
İşlerin sağın ede tutmaya sol
Etmeye hiddetden tecâvüz sabr ede
Tîz ola Cebbâr-ı 'âlem cebr ede
Kimseye hîç etmeye kasd-ı ezâ
Etseler ede tahammülle edâ
Hüsn-i hulk eyleyeler her kimseye
Anı tahsîs etmeyeler kimseye
Rûy-ı gamgîn etmeye bessâm ola
İşi dâim lutf ile in'âm ola
Destgîri ola her düşmüşlerin
Hoş mu'îni ola her kalmışların
Sâili men' etmeye hîç vech ile
Toylayalar anı güler vech ile
Dahi isrâf etmeyeler ekl ü şürb
Sevmez isrâfı hem ashâb u kurb
Dahi hısset birle kıllet etmeye
Var iken ol yolda zillet etmeye
Lîk her emrinde ede iktisâd
İktisâd ehli olur ehl-i reşâd
Dahi sünnet binmemekdir mahmile
Gerçi şimdi biner ehl-i kâfile
Lîk hâtûn olsa sâhib-özr ile
Ana ruhsatdır bineler mahmile
Ger tahammül olsa merkebde 'ayân
Altına esbâb ala oldur beyân
Lîk hadden etmeye aslâ 'udûl
Tuta mer'î der-rükûb u der-nüzûl
Dahi hacca çıkmadan ey hoş-nihâd
Borcu var ise vere bula reşâd
Ya vasiyyet ile ta'yîn eyleye
Kadr-i ahvâlini tebyîn eyleye
Zenbine tâib ola ihlâs ile
Pâk ola berr ola hâssü'l-hâs ile
Merdümâna ide irzâ-yı husûm
Nerm ile ola o demde hemçü mûm
Dahi çıkdıkda evinden ol güzîn
Dâr-ı 'ukbâya gider bile hemîn
Yani kalbinde ta'alluk kalmaya
Fikrin andan sonra masûr eyleye
Nitekim 'ukbâya göçer mü'minîn
Fikr-i Hakk'dır anmaz ol kevn ü mekîn
Söyle ey gûyende-i esrâr-ı hacc
Çünkü düşdü gönlüne efkâr-ı hacc
Gir beriyye yollarına hemçü ner
Sıklet-i gaflete kalma misl-i har
Zahmına bakma mugaylânda sakın
Kim dikensiz gül ele girmez yakîn
Çünkü 'âşıksın bu yolda sâdık ol
Hârını hoş gör gülüne lâyık ol
Ol 'alâyıkdan mücerred ibtidâ
Kalmasın kalbinde kat'â mâsivâ
Gusl edip âb-ı muhabbetden yakîn
Tâhir ol revs-i ta'allukdan yakîn
Giy fenâ ihrâmını şimden geru
Tavf-ı vechullâha sa'y et gel beru
Ma'rifet tûrunda bir dem et vukûf
Bir verirsen bulasın anda ulûf
Gir menâbi'-i 'aşka vergil vârını
Safka-ı Hakk ile kıl bâzârını
Remy edüp şeytânı anda ol ırağ
Tarh edip ahcârı hattâ bul ferâğ
Halk edüp kurtul başın sevdâların
Nefsi kurbân eyle ko kavgâların
Gir harem-i vuslata olgıl emîn
Ka`be-i zâtın tavâf eyle hemîn
Sâilâne 'arz-ı hâcet kıl delim
Ol tevekkül halkına ol mültezim
Çünki tekmîl oldu farz u vâcibât
Kıl halîlâne makâm üzre salât
Çâh-ı zemzem üzre eyle zemzeme
Ol dem içre hâli verme bin deme
Çünki bu vuslat değildir ber-karâr
Pes vedâ' ile edüp bin âh u zâr
Söyle ey gûyende-i esrâr-ı hacc
Çünkü düşdü gönlüne efkâr-ı hacc
Gir beriyye yollarına hemçü ner
Sıklet-i gaflete kalma misl-i har
Zahmına bakma mugaylânda sakın
Kim dikensiz gül ele girmez yakîn
Çünkü 'âşıksın bu yolda sâdık ol
Hârını hoş gör gülüne lâyık ol
Ol 'alâyıkdan mücerred ibtidâ
Kalmasın kalbinde kat'â mâsivâ
Gusl edip âb-ı muhabbetden yakîn
Tâhir ol revs-i ta'allukdan yakîn
Giy fenâ ihrâmını şimden geru
Tavf-ı vechullâha sa'y et gel beru
Ma'rifet tûrunda bir dem et vukûf
Bir verirsen bulasın anda ulûf
Gir menâbi'-i 'aşka vergil vârını
Safka-ı Hakk ile kıl bâzârını
Remy edüp şeytânı anda ol ırağ
Tarh edip ahcârı hattâ bul ferâğ
Halk edüp kurtul başın sevdâların
Nefsi kurbân eyle ko kavgâların
Gir harem-i vuslata olgıl emîn
Ka`be-i zâtın tavâf eyle hemîn
Sâilâne 'arz-ı hâcet kıl delim
Ol tevekkül halkına ol mültezim
Çünki tekmîl oldu farz u vâcibât
Kıl halîlâne makâm üzre salât
Çâh-ı zemzem üzre eyle zemzeme
Ol dem içre hâli verme bin deme
Çünki bu vuslat değildir ber-karâr
Pes vedâ' ile edüp bin âh u zâr
Şemseddîn Sıvâsî
Kuddise Sırruh