Hakk Yolunun Aşıkları
6 Mayıs 2024 tarihinde yayınlanmıştır.
NUTK-İ ŞERÎF
Ölmezden evvel öldüler
Hakk yolunun âşıkları
Bâkî hayâtı buldular
Hakk yolunun âşıkları
Çün şâh-râha gitdiler
Vuslat iline yetdiler
Arş üzre seyr-ân itdiler
Hakk yolunun âşıkları
Deryâ-yı aşka girdiler
Dürr-i muhabbet dirdiler
Hakk'ın cemâlin gördüler
Hakk yolunun âşıkları
Cân u cihânı kodular
Bu dünyâdan el yudular
Yetmez mi Allah dediler
Hakk yolunun âşıkları
Ey Nûrî gel sen dahi var
Bu yolda kıl cânı nisâr
Elbette bulur vasl-ı yâr
Hakk yolunun âşıkları
Abdülehad Nûrî
Kuddise Sırruh