Hakk'a Ermek İster İsen Sohbet Et Merdân İle
25 Ocak 2021 tarihinde yayınlanmıştır.
NUTK-İ ŞERÎF
Hakk'a ermek ister isen sohbet et merdân ile
Cân u ten kaydını ko zevk al özünden cân ile
Cân ile tenin arası bunca yıllık yol-durur
Ermeğe mi'râc-ı câna sâlik ol vicdân ile
Ay gibi kalbin mukâbil eyle pîr-i şemse kim
'Aks ede 'ilm-i ledünnî dolasın 'irfân ile
Hüsn-i hulk ile tahalluk etmeğe sa'y eylegil
Kalb-i pâkin cennet ola hûri vü gılmân ile
'Aşk ile zenb-i vücûdu mahv et Gaybî yok ol
'Âlem-i vahdetde birlik süresin Sübhân ile
Sunullah Gaybî
Kuddise Sırruh