Hakk'dan Seni Dûr Eyleyen Cümle Hicâbındır Nefs

9 Ağustos 2018 tarihinde yayınlanmıştır.

NASÎHAT

Hakk'dan seni dûr eyleyen cümle hicâbındır nefs

Âyine-i kalbi mükedder eyleyen türlü heves

Bir zerreye bakma hakâretle çü Hakk'dır hâlıkı

Hodbîn olup şeytân gibi mağrûr ile olma nekes

Rûha gıdâ zikr-i Hudâ eyle fedâ her vârını

Meyl-i sivâdır mâr-ı nefsin semmini tevhîdle kes

Cân tende iken zinde kal 'aşk-ı Celîl-i Hakk ile

Elbet uçar kalmaz ebed mahbesde bu murg-i kafes

Esmâ ile hemdem olan âdemdedir sırr-ı kerem

Her ânına sâhib olup mahv etme beyhûde nefes

Bil kadrini kimyâ-yı 'ömrün etme meşgûl-i hevâ

Eyyâmmı sa'd eyle ta'ât ile etme yevm-i nahs

Hiç kimse bâkî olmaya gayrı Hudâ'dan kalmaya

Hakk'a sadâkat eyle kim Hakk'dır dü 'âlem dâd-res

Dünyâ ledünnî mektebi Sâmî'ye 'irfân meksebi

Tekmîl-i 'irfân etmeğe al bu cihânda türlü ders

Şeyh Abdurrahmân Sâmî Saruhânî

Kuddise sırruh