Hakk'ı Bilmekdir Azîzim Halk-ı Eşyâdan Garaz
17 Temmuz 2018 tarihinde yayınlanmıştır.
NUTK-İ ŞERÎF
Hakk'ı bilmekdir azîzim halk-ı eşyâdan garaz
Anı görmekdir gözüm seyr u temâşâdan garaz
"Küntü kenz"in ma'nâsın fehmeyle ol gevher-şinâs
Ârif-i billah olmakdır bu ma'nâdan garaz
"Alleme'l-esmâ" rumûzu ola mevrûs-i peder
Vaslı esrâr-ı müsemmâdır ol esmâdan garaz
Sen halîfe-zâde-i Hakk'sın mükerremsin gönül
Âdem ol kim âdemiyyetdir müsemmâdan garaz
Sebze-i bâğ-ı İrem sensiz olur bâğ-ı kadem
Sensin ey kân-ı kerem Fridevs-i a'lâdan garaz
Hamr-ı emr-i "len terânî" eyledi Mûsâ'yı mest
Tûr-ı cismi mahvdır nûr-i tecellâdan garaz
"Küllü şeyin hâlikün" Müştâk "illâ vechehû"
Budur ancak zikr ü fikr-i "lâ" vü "illâ"dan garaz
Müştak Baba
Kuddise Sırruh