Hakk'ı Dost Etmek Dilersen Mazhar-ı İsm-i Kerîm
29 Mayıs 2019 tarihinde yayınlanmıştır.
NUTK-İ ŞERÎF
Hakk'ı dost etmek dilersen mazhar-ı ism-i Kerîm
Ol ki olasın efendim vâkıf-ı sırr-ı Hakîm
"Men aref" meyhânesinde mest olan insân olur
Bâkî bir cân bahşeder mestâneye zât-ı Kadîm
Gülbün-i dil nem alır enhâr-ı tevhîdden güzel
Bir nümâyiş gösterir nûr-i tecellîden Rahîm
Ârif-i billah olan gark oldu bâhr-i hayrete
Mu'tekif olmuş müferrah mescid-i dilde mukîm
Mürg-i 'aşkı âşiyân-ı dilde mihmân eyleyen
'Arş-ı 'irfânı görenler istemez dâr-ı na'îm
Devr-i girdâb-ı belâdan pek şedîddir râh-ı aşk
Yine 'aşk ile bulursun cennet-i dilde azîm
Lutfî sen kûy-i dilârâda bulursun devleti
Bülbül-âsâ dilbere ammâ gerek olmak nedîm
Alvarlı Efe Hâce Muhammed Lutfî
Kaddesallahu Sırrahu'l-Âlî