Hakk'ı Vicdân Eyleyenler Gördüler Dünyâyı Hiç
16 Nisan 2024 tarihinde yayınlanmıştır.
NUTK-İ ŞERÎF
Hakk'ı vicdân eyleyenler gördüler dünyâyı hiç
Nisbet eyler mi vücûda fehm iden rü'yâyı hiç
Koymaz elden sübha-i hablü'l-metîni müsta'id
Neş'e-i 'aşk idemez şeydâ dil-i dânâyı hiç
Kilk-i Vâhid yazmaz idi kâbil-i fark olmasa
Harf-i "lâ"-yı nefy ile "illâ"-yı istisnâyı hiç
Fer' u aslın farkı vardır mevcden deryâ kadar
Gerçi fark itmez muvahhid mevcden deryâyı hiç
Meyl ider mi dehr-i dûna tâlib-i dîdâr-ı Hakk
Hiçe eyler mi mübeddel maksad-ı a'lâyı hiç
Âşinâ-yı sırr-ı vahdet vâdî-i hayretdedir
Bilmediler Hakk'da ıtlâk ile istiğnâyı hiç
Haşr-ı kübrâyı bugün ey Şems 'ârifler görüp
İhtisâb-ı nefse çekmezler gam-ı ferdâyı hiç
Osman Şems Efendi
Kuddise Sırruh