Halk-ı Âlem Merhametle Mihriban İster Seni
23 Kasım 2019 tarihinde yayınlanmıştır.
NUTK-İ ŞERÎF
Halk-ı 'âlem merhametle mihriban ister seni
Bahş edüp bâkî hayâtı âb-revân ister seni
Gün gibi gel yüzlere ur pertevinden dembedem
Su gibi emvâtı ihya râygân ister seni
Âsumân-veş katre-i emtârı inzâl etmede
Hürmetinde dâimâ sâbit-revân ister seni
Kendi nefsin gözedir çâr çeşmiyle ehl-i zamân
Zîr-i bâr-ı mihnetde yâd-keşân ister seni
'Ârifâne kıl nazar mîzân ile ol nûr-i dil
Ekserîsi her cihetle perîşân ister seni
Dâimâ hürmet ü ikrâmın gören efrâd-ı nâs
Bu mücerrebdir muhakkak der-zebân ister seni
Zü'l-vefâ sadr-ı safâ ni'met-şinâs noksân değil
Lutfiyâ elbet bulunur âlî-şân ister seni
Alvarlı Efe Hâce Muhammed Lutfî
Kuddise Sırruh