Hamd O Allah'a ki Oldur Bize Dâim Ma'bûd
18 Haziran 2022 tarihinde yayınlanmıştır.
NUTK-İ ŞERÎF
Hamd o Allah'a ki oldur bize dâim ma'bûd
Ehad ü Vâhid ü Ferd ü Samed Rabb-i Vedûd
Kâdir u Râzık u Hallâk u Raûf 'Allâm
Kâhir ü Vâhib ü Mennân u Şekûr u Mahmûd
Çün anındır samedâniyyet vahdâniyyet
Pes niçün olmaya her yevm ana bin kerre sücûd
Ceberûtuna göre arz u semâ nokta-i cîm
Kibriyâsına göre habbe bu külli mevcûd
'Avn u lutf u kereminden umar inşâallah
Olmaya Fazlî-i ednâ kapusunda merdûd
Seyyid Osman Fazlî Efendi
Kaddesallahu Sırrahu'l-Âlî