Hamdülillâh Bu Cihân İçre Olan Sun'-i Ḫudâ
6 Temmuz 2020 tarihinde yayınlanmıştır.
NUTK-İ ŞERÎF
Hamdülillâh bu cihân içre olan sun'-i Ḫudâ
Her biri birlik dileyüp ola yoluna fedâ
Sırr-ı ma'nâ bir mu'ammâ olmadı harf-i sadâ
Feth-i bâb oldu müyesser kıldı fazlın Hakk 'atâ
Bî-kıyâs ma'nâdır ammâ cem'i bir nokta olur
Kim ki kaldırdı anı anın yeri Hakk'da olur
Kudret-i Hakk 'ilm-i deryâ cümle bir eşyâ olur
Feth-i bâb oldu müyesser kıldı fazlın Hakk 'atâ
Niceler anı görürler nice bin yerde 'ayân
Tâlib anda müşkile düşer olunmaz olur beyân
Kim hakîkat gizli gencdir bilmez ol gördüm deyen
Feth-i bâb oldu müyesser kıldı fazlın Hakk 'atâ
Karîbî cân mıdır kim ya gurbet-i cân oldu mu
Zât-ı Bârî neş'esinden 'aynın 'ayna aldı mı
Ferd-i vâhid hüve'l-hayy dedi ma'nâ bildi mi
Feth-i bâb oldu müyesser kıldı fazlın Hakk 'atâ
Dede Ömer Karîbî
Kuddise Sırruh