Hased Şeytan Sıfatıdır

Büyük mürşidlerimizden İsmâil Hakkı Bursevî Hazretleri buyuruyorlar ki :

Nice kimseler şeyâtînü'l-insdir ki Şeytan'a lanet etdikleri yine kendilerine râci'dir. Şeyâtîn olduklarının bir 'alâmeti, hasûd olduklarıdır. İşte bir âdem, Şeytan'ı görmek isterse o makûle hasûda nazar eylesin. Zîrâ sûret-i âdemde şeytândır. Zîrâ sûret müfîd değildir ki kâfir dahi sûretde mü'min gibidir. Velâkin mü'min makbûl ve kâfir merdûddur. Ve Şeytan dahi kâfirdir. Zîrâ ibâ ve istikbâr ve hased ehlidir. İşte bu makâmdandır ki Allâhu Teâlâ insânın sûretine nazar etmez, belki kalbde olan niyyetine ve zâhirde 'amel-i sâlihine nâzırdır. Çün ki hâricde eser-i hased ola, şeytân olduğu mukarrer olur. Ve şeytân, merdûd-i ilâhîdir.