Hazer Kıl Ey Püser Olma Mukârin Sû-i Akrâna
16 Mayıs 2022 tarihinde yayınlanmıştır.
NASÎHAT
Hazer kıl ey püser olma mukârin sû-i akrâna
Karînin fi'li hem hulku sirâyet eyler insâna
Karîninden bilinir kişi sorma kimseden hâlin
Karîni sâlih ise hüsn-i zann it düşme bühtâna
Resûlullah buyurmuş kim ki mülhidden firâr eylen
Uyuz gibi gelür ilhâdı çün yanına varana
Hudâ emr itdi Kur'ânda ki sâdıklarla olun siz
Bu emre imtisâl iden karışır ehl-i 'irfâna
Şerî'atden 'udûl iden olur mülhid hakîkatde
Nasîhat tut karîn olma birâder hizb-i Şeytân'a
Usûlü anların söğmek Resûl'e dahi ashâba
Yanarlar ol münâfıklar cahîmde nâr-ı sûzâna
Kabûl it ey gözüm nûru bu Kuddûsî nasîhatin
İder irşâd seni tutar isen bî-şübhe Yezdân'a
Ahmed Kuddûsi
Kuddise Sırruh