Hemîşe Dostum Oldur Derim ki Mâl Verüp
26 Şubat 2023 tarihinde yayınlanmıştır.
HİKMET
Hemîşe dostum oldur derim ki mâl verüp
Kılar tabî'atimi beste-i 'alâka-i mâl
'İbâdet-i Hakk ü kesb-i 'ulûm için mutlak
Komaz mülâhaza-i zabt-i mâl bende mecâl
Müdâm düşmen ana söylerim ki mâlım alup
Bana müyesser eder ni'met-i ferâgat-i bâl
Huzûr-i kalb verir revnak-i 'ibâdet-i Hakk
Ferâğ-ı hâtır olur mûcib-i husûl-i kemâl
Figân ki dostumu düşmeninden etmen fark
Kemâl-i cehl ile evkât sarf olur meh ü sâl
Bu cehl ile özümü ehl-i ma'rifet sanırım
Zihî tasavvur-ı bâtıl zihî hayâl-i muhâl
Fuzûlî