Her Günâhın Başı Hubb-ı Cîfe-i Dünyâ İmiş
23 Temmuz 2022 tarihinde yayınlanmıştır.
NUTK-İ ŞERÎF
Her günâhın başı hubb-ı cîfe-i dünyâ imiş
Sevme hergiz anı çün mebgûze-i Mevlâ imiş
Pes olur tâlibleri bî-şekk anın cümle kilâb
İsmidir dünyâ anın dahi seven ednâ imiş
Yok zarar destinde olmakla eğer sevmez isen
Elde olup sevmeyen hoş 'ârif-i dânâ imiş
Bu sıfatla muttasıf olmak erenler kârıdır
Anlara bakup harîs olan kişi hünsâ imiş
Sözümüz ancak anı sevmekde işit sâlikâ
Vâr iken elde teneffür haslet-i bâlâ imiş
Etmeyelim nefsimizi biz kıyâs 'ariflere
Ehl-i 'irfan zümresi çün zümre-i ra'nâ imiş
Etme Kuddûsî muhabbet ni'met-i cinâna hem
'Âşıkın maksûdu ancak çehre-i zîbâ imiş
Ahmed Kuddûsî
Kuddise Sırruh