MuzafferOzak.com (Türkçe)

NASÎHAT

Her hîleyi terk et hemân dîvâne ol dîvâne ol

Merdâne 'aşk oduna yan pervâne ol pervâne

Sen kendine bîgâne ol her vech ile vîrâne ol

Ondan mey-i 'aşk ile dol peymâne ol peymâne ol

Ol dilber-i zîbâ yine gösterse yüz ol âyîne

Zülfü gibi düş pâyine var şâne ol var şâne ol

Sen bir zamân erkân idin hem bir zamân insân idin

Çün şimdiye dek cân idin cânâne ol cânâne ol

Ey nâtıka terk et teni tâ kalmasın mâ vü meni

Mahveyle külli sen seni vîrâne ol vîrâne ol

Gel içeri ten şehrine hayretle gark ol nehrine

Bul 'aşkı anın mihrine meyhâne ol meyhâne ol

Hakkı bu 'âlemden geçüp meyhâne-i kalbe göçüp

Ol hamr-ı vahdetden içüp mestâne ol mestâne ol

Erzurumlu İbrâhim Hakkı

Kaddesallahu Sırrahu'l-Âlî

Her Hîleyi Terk Et Hemân Dîvâne Ol Dîvâne Ol