Her Kaçan Zencîr-i Zülfün Eylese Başdan Birûn
7 Aralık 2020 tarihinde yayınlanmıştır.
NUTK-İ ŞERÎF
Her kaçan zencîr-i zülfün eylese başdan birûn
Meyl eder tarf-ı cünûna görse 'akl-ı zî-fünûn
'Akl u dâniş mekteb-i 'aşkında lâ-yefhem-durur
Nicesi derk eylesin bu sırrı her nâdân-ı dûn
Kimse yol bulmaz harîm-i kûyuna varmaklığa
Olmasa lutfu ezelde bendesine reh-nümûn
Girmesin 'aşkına her cân saklayan bîgâneler
Diye evvel yoluna kodular anın cân çûn
Çeşm-i bîmâre şifâ verir dehânından hayât
Bu sözümün sıdkına nass oldu oku sâd u nûn
Olmasa yârin ezelde bendesiyle gamzesi
Pes ne ma'nâdan mürekkeb olur idi kâf u nûn
Ma'nâ ruhsârına tut Şemsî mecâzîden nikâb
Çünki nâmahrem-durur fehm etmesin her câhilûn
Şemseddîn Sıvâsî
Kuddise Sırruh